Informata dhe Aktivitete

 Takim për koordinim institucional dhe zbatim të etikës profesionale

Me hyrjen në fuqi të Ligjit Nr. 08/L-012 nga data 30 maj 2025 dhe nisjen e procesit të licencimit nga Oda e Inxhinierëve të Republikës së Kosovës, Bordi Drejtues u takua me Komisionin Disiplinor dhe Komisionin e Ankesave për të koordinuar veprimet në përputhje me Ligjin, Statutin dhe Rregulloret përkatëse.

 Në fokus ishte edhe zbatimi i Kodit të Etikës dhe Sjelljes Profesionale, i cili:

 Kërkon që çdo inxhinier të veprojë me ndërgjegje, profesionalizëm dhe integritet;
 Ndërton besimin përmes mbrojtjes së shëndetit dhe sigurisë publike;
 Ndalon sjelljet që cenojnë reputacionin e profesionit apo që bien ndesh me ligjet dhe standardet teknike;
 Promovon trajtim të barabartë, pa diskriminim dhe respekt të të drejtave të njeriut;
 Detyron shmangien e konfliktit të interesit, sjelljeve të pandershme dhe mashtruese.

 Ky takim theksoi domosdoshmërinë e koordinimit të ngushtë ndërmjet organeve të Odës për të garantuar një sistem të drejtë, transparent dhe funksional të përgjegjësisë profesionale dhe të drejtës për ankesë.

#OIRK #Etikë #Licencimi #Disiplinë #Inxhinierët #PërgjegjësiProfesionale #KodiEtik #Komisionet #Koordinim