NJOFTIM
Sot, në ambientet e GIZ-it Gjerman në Prishtinë, u mbajt prezantimi përfundimtar i platformës online për E-licencimin, e cila synon të digjitalizojë dhe lehtësojë proceset e licencimit për profesionistët në fushën e ndërtimit.
Prezentimi u zhvillua para përfaqësuesve të Odës së Inxhinierëve dhe Odës së Arkitektëve të Republikës së Kosovës, në praninë e zyrtarëve të Ministrisë së Mjedisit, Planifikimit Hapësinor dhe Infrastrukturës (MMPHI).
Platforma do të mundësojë:Aplikimin online për licencim dhe rilicencim të inxhinierëve dhe arkitektëve të kategorive A dhe B
Ngarkimin elektronik të dokumenteve
Evidentimin e përvojës profesionale dhe edukimit të vazhdueshëm
Ndjekjen e statusit të aplikimeve në kohë reale
Menaxhimin e pagesave, taksave dhe anëtarësisë vjetore
Komunikimin zyrtar me Odat dhe pranimin e vendimeve në formë digjitale
Mbështetje për regjistrimin e praktikantëve dhe njohjen e licencave të huaja
Platforma është zhvilluar në përputhje me Ligjin Nr. 08/L-012 dhe rregulloret përkatëse të Odave, me qëllim të rritjes së transparencës, efikasitetit dhe barazisë në ofrimin e shërbimeve për profesionistët e ndërtimtarisë.
Ky aktivitet është pjesë e projektit “Përkrahje për Reformat në Procesin e Integrimit Evropian”, që financohet nga Bashkimi Evropian dhe Qeveria Gjermane, dhe zbatohet nga GIZ dhe MMPHI, me përfitues OIRK dhe OARK.
Aktualisht, platforma është thuajse në përfundim dhe ndodhet në fazën testuese. Para lansimit për përdorim të gjerë, pritet të organizohen trajnimet për stafin administrativ dhe teknik të Odave.
Solvior
I appreciate the clear structure and examples. It’s rare to find blog posts that explain things without overcomplicating them
Solvior
This was a refreshing take. Most articles just repeat the same points, but yours offered a few new angles I hadn’t considered