Informata dhe Aktivitete

Sot, më 15 korrik 2025, në ambientet e Fakultetit të Inxhinierisë Mekanike të Universitetit të Prishtinës, u nënshkrua një marrëveshje e rëndësishme bashkëpunimi ndërmjet Odës së Inxhinierëve të Republikës së Kosovës (OIRK) dhe Fakultetit të Inxhinierisë Mekanike (FIM-UP)!

Palët zyrtarizuan bashkëpunimin përmes një Memorandumi Bashkëpunimi që synon:

 

Të forcojë lidhjen ndërmjet arsimit të lartë dhe profesionit të inxhinierisë;

Të mbështesë zhvillimin profesional të inxhinierëve të sapodiplomuar të regjistruar në Odë si dhe atyre të licencuar;

Të krijojë mundësi për ligjërata të hapura, trajnime, punëtori, konferenca shkencore dhe projekte të përbashkëta shkencore;

Të kontribuojë në rishikimin dhe përmirësimin e kurrikulave akademike sipas kërkesave të tregut të punës;

Të bashkëpunojë me stafin akademik të Fakultetit për angazhimin në trajnime të edukimit të vazhdueshëm profesional për inxhinierët e licencuar;

Të mundësojë, kur është e mundshme dhe pa penguar aktivitetet e rregullta të Fakultetit, shfrytëzimin e hapësirave të FIM për realizimin e trajnimeve dhe aktiviteteve të edukimit të vazhdueshëm nga OIRK;

Të përkrahë përfshirjen e studentëve në praktikë profesionale dhe punë vullnetare në OIRK.

Marrëveshja u nënshkrua nga: Ind. Dpl. Arsim Rapuca, Kryetar i OIRK dhe Prof. Dr. Sc. Mirlind Bruçi, Dekan i FIM-UP.

Në takim morën pjesë edhe: Msc. Mimoza Shahini, Anëtare e Bordit të OIRK dhe Prof. Ass. Dr. Arlinda Alimehaj Rrecaj, Prodekane e FIM.

Ky bashkëpunim i qëndrueshëm ndërmjet dy institucioneve synon të fuqizojë rolin e arsimit dhe profesionit të Inxhinierit në zhvillimin ekonomik dhe shoqëror të Kosovës.