Të nderuar anëtarë të Odës së Inxhinierëve të Republikës së Kosovës,
Me rastin e përmbushjes së njëvjetorit të themelimit të OIRK-së, ju njoftojmë se për të gjithë anëtarët themelues dhe anëtarët e licencuar gjatë vitit të parë, më 14 nëntor 2025 përfundon periudha njëvjeçare e vlefshmërisë së anëtarësisë, prandaj është e nevojshme që të realizohet pagesa e anëtarësisë për vitin e dytë.
💳 Vlera dhe afati i pagesës
Në bazë të Rregullores për Taksat dhe Tarifat e OIRK-së, vlera e anëtarësisë njëvjeçare për anëtarët e rregullt është:
💰 100 (njëqind) euro për një vit.
Pagesa duhet të realizohet jo më vonë se data 14 nëntor 2025, për të mundësuar vazhdimësinë e licencës dhe të të drejtave që burojnë nga anëtarësia në OIRK.
📄 Fletëpagesa e anëtarësisë merret në zyrat e OIRK-së – Kompleksi “Rilindja”, Kontejneri nr.3, kati 2, Prishtinë.
Pas marrjes së fletëpagesës dhe kryerjes së pagesës në bankë, kopja e saj duhet të dorëzohet në zyrat e Odës ose të dërgohet me e-mail në adresën zyrtare të OIRK-së.
⚠️ Kujdes – pezullimi i licencës
Në përputhje me Nenin 5 të Rregullores për Taksat dhe Tarifat e OIRK-së,
“Mos përmbushja e detyrimit për të paguar anëtarësinë konsiderohet shkelje disiplinore dhe është bazë për pezullimin e licencës të anëtarit të Odës.”
Prandaj, moskryerja e pagesës brenda afatit të përcaktuar do të rezultojë me pezullimin e përkohshëm të licencës profesionale, deri në përmbushjen e këtij obligimi.
📑 Dokumentet që duhet të bashkëngjiten
Gjatë pagesës së anëtarësisë për vitin e dytë, anëtari duhet të bashkëngjisë:
- Fletëpagesën e anëtarësisë, dhe
- Kopjen e policës së sigurimit të përgjegjësisë profesionale, në përputhje me marrëveshjen e nënshkruar ndërmjet OIRK-së dhe kompanisë së sigurimeve SCARDIAN.
Ky proces siguron që të gjithë anëtarët të jenë në përputhje me Rregulloret dhe Ligjin për Odat e Arkitektëve dhe Inxhinierëve në Fushën e Ndërtimit, duke garantuar standard të lartë profesional dhe përgjegjësi në ushtrimin e profesionit.
Për çdo paqartësi ose asistencë në procesin e pagesës, ju lutemi të kontaktoni Administratën e OIRK-së përmes e-mailit zyrtar:
📧 info@oirk-rks.org
